HARPIDETU BULETINERA

Haur, gazte eta helduentzako Praktika Filosofikoari buruzko eduki eta baliabide berritzaileak jasoko dituzu. Eta baita, tailer, hitzaldi eta prestakuntza-ikastaroetako eskaintzak eta deskontuak ere.

Harpidetu buletinera

PRAKTIKA FILOSOFIKOAK

Filosofia Faktoria adin guztiei zuzendutako hainbat PRAKTIKA FILOSOFIKO eskaintzen dituen gunea da. Bertan, zure ezagutza zabaldu eta modalitate desberdinetan treba zaitezke: Haur Filosofian, helduentzako Elkarrizketa Filosofikoan eta banakako zein taldekako Bide-laguntza Filosofikoan. Guztiok modu kritikoan, enpatikoan eta sortzailean hausnartzeko eta komunikatzeko dugun gaitasuna bultzatzea du helburu. Arreta berezia emanez, nork bere burua ezagutzeari eta zaintzeari, antzinako ekialdeko zein mendebaldeko filosofien corpus teoriko eta praktikoek eskaintzen diguten jakinduriaren bidez. Filosofatzeak ez bait garamatza bakarrik gure izate intelektuala munduan hobe ulertzera, baizik eta gure izatearen dimentsio eta alderdi guztietan modu organikoan sakontzera.

ZER DIRA PRAKTIKA FILOSOFIKOAK?

2025/2026ko PRAKTIKA FILOSOFIKOEN TAILER ETA IKASTARO BERRIAK

Elkarrizketa filosofikoak

ELKARRIZKETA FILOSOFIKOAK

7 TAILER DONOSTIAN. Hausnarketa pertsonal zein kolektiborako gune honek, galderak eta testu filosofikoak, gure eguneroko bizitzan zeharkatzen ditugun erronkekin konektatzea du helburu. Ez da beharrezkoa aldez aurretik filosofiari buruzko ezagutzarik edukitzea.

Data

URRIAK 2025

Modalitatea

Presentziala

Iraupena

2025eko urritik - 2026ko maiatzera

Hizkuntza

Gaztelera

Informazio gehiago eta izen-emateak

Inork ez luke zalantzarik izan behar filosofatzen gazte izateagatik ezta aspertu behar zaharra izanagatik. Izan ere, inor ez da gaztea edo zaharra bere arimaren osasunerako. Oraindik filosofatzeko adinera heldu ez dela edo jada adina igaro dela dioena, zorionerako une egokirik ez dela iritsi dioena bezalakoa da. Beraz, gazteak eta zaharrak filosofatu behar dute.
EPIKURO

PRAKTIKA FILOSOFIKO MOTAK

Filosofia Faktoriak 2006tik adin guztiei zuzendutako hainbat praktika filosofiko eta hezkuntza-jarduerak burutzen ari da eta 2020tik online ere eskaintzen ditu jarduera horiek helduentzat.

HAUR ETA GAZTE FILOSOFIA

Haurrek bizi diren mundua ulertzeko duten jakin-minak, berez eramaten ditu galdera existentzialak eta filosofikoak egitera. Lehenengo hazi gogoetatsu horiek eta inguratzen dituen errealitatearen misterioaren aurrean harritzeko duten gaitasuna, helduoi (guraso eta hezkuntza maila desberdinetako irakasleoi) oharkabean pasa dakizkiguke, entzute arretatsuan egon ezean eta adin goiztiarretik pizten den dimentsio filosofikoarekin sentsibilizatuak ez bagaude. Determinazio eta intentsitate handia hartzen doan dimentsioa baita pubertaroan eta, bereziki, nerabezaroan. Gizaki orok haurtzaroan eta nerabezaroan duen potentzial filosofikoaren garapenaren aurrean gaude, eta bide-lagun edo oztopo bihur gaitezke haur eta gazteek berezko gaitasun hori behar bezala gara dezaten.

HAUR ETA GAZTE FILOSOFIA HEZKUNTZA PROIEKTUARI BURUZKO PRESTAKUNTZA IKASTAROAK
HAUR FILOSOFIA TAILERRAK
NERABEENTZAKO FILOSOFIA TAILERRAK
IKASTETXEENTZAKO ORIENTAZIOA ETA AHOLKULARITZA

FILOSOFIA KONTSULTA ETA BIDE-LAGUNTZA FILOSOFIKOA

Aholkularitza Filosofikoa edo Filosofia Kontsulta, banakako laguntza-harremanen artean modalitate berri bat da, psikologia eta psikoterapia kontsultaren alternatiba bihurtu dena. Gaur egun, filosofia, bere sorreratik izan duen bokazioa, betekizuna eta zerbitzua berreskuratzen ari da. Antzinako Grezian, filosofia, bere alderdi etikoan bizimodu on baterako jakinduria sakoneko bidea zen eta “therapeia tes psyches” gisa izendatzen zen, hau da, izatearen edo arimaren sendaketarako terapia. Filosofiak bere tradizioa berreskuratzen eta eguneratzen du, autoezagutza bide bat egin nahi duten pertsonentzat eskuragarri jartzen banakako kontsulta espazioa.

BANAKAKO FILOSOFIA KONTSULTA
AUTOEZAGUTZA FILOSOFIKOKO TAILER ETA IKASTAROAK
HEZITZAILEENTZAKO BIDE-LAGUNTZA ETA AHOLKULARITZA FILOSOFIKOA
GURASO ESKOLA + ERRESPETUZKO HAZIERA ETA HEZKUNTZARI BURUZKO HITZALDIAK

ELKARRIZKETA FILOSOFIKOAK

Elkarrizketa filosofikoak benetako erronka mentala, emozionala eta espirituala dakar, beste pertsona batzuekin batera hausnartzen dugunean. Erronka bat suposatzen du ideia-aniztasun handia biltzen dituelako, baina, aldi berean, pertsonen arteko topaketa errazten du, haren metodologiak entzute sakoneko eta elkarrekiko konfiantzazko espazio bat gaitzen duelako. Espazio horretan, besteek dituzten ikuspegi eta interpretazio-eredu alternatiboak entzutera ireki gaitezke, nahiz eta gure pentsamendu diskurtsiboaren eta argudiaketaren mugak hankaz gora eta zalantzan jartzera eraman gaitzaketen, eta baita gure sinesmen errotuenak ere. Hortaz, besteekin filosofatzean, kontu handiagoz eta egiazkotasun gehiagoz azter ditzakegu gure ideiak, sinesmenak, ikusmoldeak eta portaerak.